Fourth year of dental school

سلام عليكم ....

حمدلله خلصت سنه رابع وححاول أحط كل شي أخدته فيها وكل النصائح اللي عنددي لدي السنه

الصراحه كانت من أمتع السنين اللي عدت الى الآن ، وغالبًا الأسهل

موادها أقل من تالت والكلينيك أرحم من خامس ،يعني المفروض دي السنه قد ماتقدروا تحاولوا تجمعوا فيها درجاتتقريبا لو جيت أوصفها هيا الBase لخامس وفيها شي جديد عن تالت وهوا شغل العيادات 

حتكلم عن كل شي بالتفصيل ان شاء الله

---------------------------------------------------------------

بداية الشيئين دول سووهم من دحين بما انكم فاضين

دورة الCPR :

Cardiopulmonary resuscitation دورة الانعاش الرئويطيب انا حوريكم الطريقه اللي أنا سجلت بيها بس أتوقع في كزا طريقة أعتقد أنه ممكن تروحوا لأي مستشفى وتسألوا هم ازا يعطوا الدورة أو لأ بس مو متأكدهأنا سجلت عن طريق الموقع وهوا يبين ايش الأيام اللي بيعطوا فيها الدورة حتى في من ضمنهم كليتنا

الموقع :http://ksacpr.org.sa/frmLogin.aspx

موقع جمعية القلب السعودي تدخلوا وتعملوا ملف وهما يحجزولكم ب50 ريال الحجز ،طبعا تشوفوا ايش المستشفى والوقت اللي يناسبكمأما الدوره غالبا 150 ريالالدوره حيكون فيها شرح في البداية بعدين في فيديو وأنتبهوا وركزوا فيه لأنه في بعده اختبار من نفس الفيديو هوا الاختبار سهل بس يقيس قدي ايش فهمتوا بعدين في تطبيق عملي على اللي أنشرح في الفيديو 

التطعيم    

قبل التطعيم رحت عملت تحيليل عشان أعرف أحتاج ولا لأ وطلع انه أحتاج حسيت انه مولازم بس يالله احتياط 

تطعيم hepatitis b  ، على 3 جرعات الجرعه التانيه بعد شهر من تاريخ الأولى والتالته تكون بعد 6 شهور من تاريخ التانيه 

مهمه الجرعات تتاخد في وقتها لأنه لو حصل تأخير تضطروا تعيدوا الجرعات من البدايه 

---------------------------------------------------------------

بعض المصطلحات الخاصة بسنه رابع :

Requirement –

الريكوايرمنت هيا المتطلبات اللي لازم تخلصوها عشان تعدوا السنه ،في كل ماده عدد معين من المتطلبات الدكاتره 

يحددوا كم لازم تخلصوا قبل ماتدخلوا الاختبار

 Files  –

لكل واحده عدد معين من الفايلات اللي تقدر تفتحها في السنه احنا كان عندنا 7 فقط في حال أحتجنا نفتح فايل تامن نحتاج نقفل واحد من الفايلات القديمه اللي ماعاد نحتاجه

قبل ماتبدأو شغل على أي حاله أتأكدوا انه الدكتور المسؤول وقع لكم على الفايل

الفايل مايخرج من المستشفى 

supervisor –

لكل مرحله في سوبرفايزر مخصصه بحيث تساعد وتنظم الكلينك وتشوف ازا في أي مخالفات أثناء الشغل ، السوبرفايزر حقتنا الله يسعدها كانت جدا طيبه ومتعاونه معانا

Sterilization-  

التعقيم أهم شي في الحياه ،يفتح في أوقات معينه الى الآن مني قادره أحفظها

عموما بعد كل سيشن في العيادات تروحوا تحطوا أدواتكم اللي أستعملتوها في باوتش نضيف وتجيبوا ورقة تعبوا فيها كل الأدوات وتسلموها للتعقيم على أساس تستعملوها في السيشن الجديد

Suspension –

ازا حصل وانتهكت القوانين الخاصه بالعيادات ،السوبرفايزر حتعطيكم حرمان من الشغل في السيشن الجديد، وصدقوني ماتبغوا دا الشي يسير لأنه يدوب تخلصوا ريكوايرمنت ،فحاولوا قدر الامكان تعرفوا ايش هيا الممنوعات
وأتجنبوها 

oral questions exam-

أعتقد انه دا الاختبار مهو جديد يطبق في كل السنوات

عموما جميع الاختبارات العمليه في الكلينك حيكون معاها أسئله شفويه عشان يقيسوا الفهم من

كل ماده حتكون أسئلتها من نفس المنهج وأحيانا يتطرقوا لحاجات عامه كمان على معلومات من السنين الفايته

E- Learning-

من أجمل الأشياء اللي أخترعوها السنه الفايته دا الموقع ،دا موقع الكليه اكيد الكل يعرفه ينزلوا فيه الأشياء المهمه والمحاضرات وطلبات الدكاتره وفيديوهات تعليميه ويعملوا فيها اختبارات

---------------------------------------------------------------

طيب ندخل في المواد :

الترم الأول 

1- INTRO TO FIXED PROSTHODONTIC

عدد الساعات:6

نظري وعملي

الفيكسد وماأدراك مالفيكسد مادة التركيبات الثابته ،الماده جميله لكن العملي فيها متعب بالنسبه ليا كمان كانت كل يوم أحد الصباح فكانت تقييله ! كانت لاتُطاق في البدايه ماكنت قادره أتمكن من الموضوع والدكاتره شويه يعملوا ضغط علينا بس في النهايه نوعا ما كان مفيد خلانا كتير نتحسن أنا مو مع الضغط والشده والتحبيط لكن ماقدامنا الا انه نحاول انه مانخلي الكلام المحبط يأثر فينا ، النظري حيكون شرح للعملي ،بالنسبه للعملي كل أسبوع كان شي مختلف بس الأغلب كنا نسوي:

1- full metal crown preparation

2-PFM=porcelain fused to metal crown

3- Bridge

4-wax up

5- wax pattern

الأدوات اللي حنحتاجها 

high speed handpiece

nissin dentoform teeth

وأهم شي بيرزات الفيكسد لازم تكون كامله عشان ماتنقصوا أصلا ماتدخلوا اللاب بدونها

والدنتوفورم طبعا لازم يكون موجود وكامل

diagnostic instrument الأفضل تشتروا واحده تانيه غير اللي حتستعملوها في الكلينيك
enamel hatchet

hanau articulator

pkt kit

dentulous tray

alginate

trimming burs

fiber post

provisional crown materialدي الماده اللي حتسوو بيها الكراون المؤقت الترم التاني ممكن 5 يتشاركوا في علبه

putty material دي كمان ممكن تتشاركوا فيها

الكتب

النظري 

Contemporary Fixed Prosthodontics, 5e 5th Edition
العملي 

Fundamentals of Fixed Prosthodontics 4th Edition

2- CLINICAL RESTORATIVE  PROCEDURES

عدد الساعات:6

نظري وكلينيك

الريموفابل دي السنه هوا تطبيق للي أخدناه سنه تالت الترم الأول حتعملوا حالة COMPLETE DENTURE  والترم التاني PARTIAL DENTURE ACRYLIC & METALبالنسبه للنظري الصراحه ماكان سهل والمنهج كتيييير بالنسبه ليا كانت أكتر ماده أشيل همها وماأحبها

 مثال لACRYLIC PARTIAL :

الكتب:

Prosthodontic Treatment for Edentulous Patients

Stewart's Clinical Removable Partial Prosthodontics


3- PREVENTIVE PERIODONTICS

عدد الساعات:4

نظري وكلينيك

البريو ماده جديده حنتعلم فيها كيف نعملCHARTING

 جدا جدااا ممل لكن مهم لأنه على أساسه نحدد الدايقنوسيس والعلاج للبيشنت الكلينيك حنكتب أول شي معلومات عن البيشنت وبعده نشوف كمية الPLAQUE بعده الTREATMENT PLANE 

الترم التاني حيكون في كل اللي راح + MANUAL SCALING 

الأدوات : 

unc 15 perio probe

 الدايقنوستيك عموما لازم تكون موجوده 

gracey curette

الكتاب:


Carranza's Clinical Periodontology 12th edition



4-ORAL SURGERY

عدد الساعات:4

نظري وكلينيك

السيرجري حنتعلم فيها الخلع ،  حيكون في تقريبا 7 ريكوايرمنت كل سيشن في دكتور مسؤول حاولوا تستفيدوا منهم وتسألوهم كل شي 

في البدايه الموضوع شويه مخيف لكن شويه شويه حيسير الموضوع جدا سهل وممتع 

السيرجري كانت من أمتع السشنات بالنسبه ليا ،حتى بعد ماخلصت ريكوايرمنت كنت أجيب حالات وأتعلم عليها وكنت أوقف مع أي أحد بيخلع وأتفرج بالنسبه ليا ماخلعت سن بكروان الا مره واحده  

البقيه كلها كانت REMAINING ROOT ! وماهي سهله حسيت الكراون أفضل 

بالنسبه للنظري الترم الأول كان أسهل من الترم التاني ،الترم التاني أخدنا الانفيكشن شويه دسمه لكن الدكتور جزاه الله خير فهمنا بطريقه جدا ممتازه ركزوا معاه في الكلاس حتفهموا باذن الله

دي سنه خلعتها وكان معاها 

Granuloma

الأدوات :

syringe

الكتب:

Handbook of Local Anesthesia

نفسه حق السنه الفايته مهم لأنه وقت اختبار العملي حيسألوا عن الANESTHESIA  ومن سنه رابع يسألوا عن المانجمنت

Contemporary Oral and Maxillofacial Surgery, 6e



5-CLINICAL RESTORATIVE PROCEDURES

عدد الساعات:4

نظري وكلينيك

الريستو هوا تطبيق للي كنا نسوي في لاب الأوبريتيف حق سنه تالت

 الدكتور المسؤول عن الماده جدا متعاون ويهمه اننا نخلص بدري ومانتأخر بالنسبه للنظري المحاضرات كتييره لكن مهي صعبه

الأدوات :

diagnostic instrument

dental cassette

 
face shield

سنه تالت كنت أستعملeye goggles ماكانت مريحه لمن كنت أستعملها في الكلينك الشيلد أفضل بكتير

low handpiece

high speed handpiece

burs

dappen dish

طبعا أدوات الكومبوزيت وأدوات الأمالقم

occlusal mirror

دي هيا اللي حتصوروا بيها الحالات عشان تحطوها في الكتاب
syringe

clamps

clamps holder

PUNCHER

مثال لكلاس 1 :

الكتاب :

art and science of operative dentistry

نفسه حق تالت


6-ENDODONTICS LABORATORY

عدد الساعات:3

نظري وعملي

علاج العصب مادة جدا جميله عن نفسي مره حبيتها في العملي حتحتاجوا تشتروا أسنان طبيعيه حسب الريكوايرمنت المطلوبه أو انكم تروحوا العيادات وتطلبوا منهم يجمعوا لكم أسنان خصوصا عيادات التقويم بيكون عندهم أسنان سليمه 

ضروري ماتتأخروا في الريكوايرمنت وتحاولوا قد ماتقدروا تخلصوا لأنه وقت التسليم ثابت

 أما النظري لأنه ماده جديده فكان في البدايه شويه صعب لكن برضه زي أي شي في النهايه حتستوعبوا كل شي خصوصا انكم حتطبقوا في العملي

الأدوات :

endo access burعباره عن بيرزات خاصه بالاندو وهيا 
ENDO( Z )BUR

 SMALL ROUND BUR

ROUND BUR

endo explorer

spoon excavator

AMALGAM CONDENSER

جيبوا واحده غير حقت الريستو لأنه دي حتحرقوها الترم التاني وقت ال

OBTURATION

gutta percha

PAPER POINT

endo files K+H

SPREADER

films

تقريبا بعد كل خطوه حتروحوا تاخدوا فيلم

endo block

endo files HOLDER

رتبوا أموركم في العملي مسلا أول يوم خصصوه لانكم تحطوا كل الأسنان في البلوكس وتجهزوها احنا كان عندنا 20 ريكوايرمنت مقسمه 1 كنال و 2 كنال والمولارز على الترمين بس لازم تكونوا مخلصين 10 الترم الأول والسشن اللي بعده تمسكوا العشره الأسنان حقت الترم الأول وتعملوا لها كلها access  وهكزاحتجيبوا أول شي السنه

تلفوها بالواكس

بعد كدا تصبوا البلاستر على قوالب التلج

قبل ماينشف تغرزوا السنه في البلاستر ،وتستنوها تنشف تاخد حوالي 10-20 دقيقهبعدين ازا يحتاج تعملوا لها تريمنج في نفس الوقتوتروحوا تاخدولها أول X-RAY

دي السنه في البلوك بعد access طبعا بعد كل خطوة تروحوا تاخدوا عليها توقيع في الكتابالكتاب:

Cohen's Pathways of the Pulp Expert Consult



7- ORAL PATHOLOGY-II

عدد الساعات:2

نظري وعملي

آخر ماده في الترم الأول ،تكملة لمنهج تالت بس أحلى 

 نفس نظام الترم الأول في العملي حيكون في رسمات وأسئله بعد كل سشن عملي

الدكتور اللي المسؤول عن الماده من أفضل الدكاتره وشرحه جدا جدا ممتاز ركزوا معاه في الكلاس وحتفهموا كل شي باذن الله

في نهاية الكورس حيكون في بريزنتشين الدكتور حيقسم حسب الأسماء ويعطيكم موضوع وتعملوا عنه عرض من والى وعليه درجات ،جدا أستفدت من دا البريزينتشين لأن الموضيع هيا نفسها اللي بندرسها وكل العروض التانيه اللي حضرتها أستفدت منها لأنه الكل بذل مجهود فيها وحاولوا يوصلوا المعلومات بطريقتهم

 الكتاب :



regezi oral pathology نفسه حق الترم تالت دا الكتاب جدا مفيد ومهم  

الترم التاني

الترم التاني زياده عن الترم الأول بمادتين بدون الأورال باثولوجي

8- ORAL RADIOLOGY

عدد الساعات:3

نظري وعملي

اديولوجي دي السنه مختلف عن سنه تالت حيكون له علاقه بالأسنان أكتر حتشوفوا أنواع الأشعات وكل الأمراض المتعلقه بالأسنان من ناحية الراديوجرافالعملي حيكون كتابة بيانات على الرسمه كل كلاس حتكبوا وتصححوا في نفس الوقتمثال لصفحة الكتاب

نصيحة وقت ما تكتبوا البيانات حاولوا انكم ماتنقلوا من أحد المعلومات كلها موجوده في الكتاب ،أعتمدوا على نفسكم لأنه مره يرسخ وقت الاختبار العملي الكتاب:

oral radiology principles and interpretation

9- INTRODUCTION TO PEDIATRIC DENTISTRY

عدد الساعات:2

نظري وعملي

الماده دي لطيفه والدكاتره جدا متعاونين كنت دايما أسألهم أسئله ويجاوبوا من قلبهم حيكون تقريبا زي الأوبريتيف بس على دنتوفورم بيدومحا تشتروا الدنتوفورم الكليه توفرهبس تحتاجوا تشتروا :
 سنه واحده بعصب artificial 

stainless steel crown PEDO
 

t band matrix
 

PEDO TYPODONT

 

بيرزات البيدو :نفس بيرزات الريستو بس تكون صغيييييره مره 


الكتاب

 
McDonald and Avery's Dentistry for the Child and Adolescent10th Edition

---------------------------------------------------------------

وبكدا نكون خلصنا سنه رابع سنه لطيفه الصراحه حاولوا تجمعوا فيها درجات قد ماتقدروا

وصح صعب لكن حاولوا انكم تستمتعوا وتستفيدوا من الدكاتره

وأشوفكم سنه خامس باذن الله